Heavy Petrol - Petrol Train (2017)

Heavy Petrol goufen 2011 als Blues Band gegrënnt. 2013 huet d’Band da Lëtzebuerg beim « European Blues Challenge » zu Toulouse vertrueden, engem europäesche Blues Concours un deem Kënschtler aus 29 Länner deelhuelen. No enger personeller Ëmbesetzung, ass Heavy Petrol awer méi rockeg ginn, a kann haut als Bluesrock beschriwwe ginn.
Aus der Band Clanrock kennt ee sécherlech de Sänger Woody Bruns, deen ëmmer de Kontakt mam Publikum sicht a gutt Stëmmung verbreed. Den Gigi Felten an seng gefillvoll Gittar ass ville Leit bestëmmt nach vun der Mat Dawson Band bekannt. Um Bass spillt den Dan Kries, e.a. vun Nazz Nazz, Bandit’s, Gang & Sophillis. Den Dan Juchem op der Batterie an de Steve Richer op der Gittar suerge fir eng jonk a rockeg Nout an der Band.